Günter Brunner

Danke fi die gemeinsame Zeit in die Berg beim Klettersteig oda nur a Wanderung, oda a beim Skifohrn im Winter. Haben a scheen Zeit kob, leida wars bissl kurz fi di. Aber bist etz sicher in a besseren Welt. Und leida zum Mountainbikefahren hob I die ned überreden kenna, deswegen hob I die oft im Stich lossen, weil I des gern tua. Vielleicht hätt is no gschofft das ma gemeinsam a Biketour gemocht hätten, aber leider geht des etz nimma. Drum behalt I die so in Erinnerung wirst warst und wünsch dir alles bedenklich Gute im neuen Lebensabschnitt! PFIAD DI Günter mochs guad!!!

09.09.2019 19:14 - Dein Freund und Bergkamerad Robert Seywald

Donkbor fe de Zeit, de mia zomm vabringa homb derfn.

Wenn im Jänna insa Feiaweajohr mit da Johreshauptvasommlung ugfong hot, wea is do gwesn – Du, Günther!

Wenn mia Schulung oder Übunga kob homb, wea is do gwesn? – Du, Günther!

Ufong Mai beim Florianikirchn, wer is do gwesn? – Du Günther!

Wenn ma a Festfohrt kob homb, wer is do gwesn? – Du, Günther!

Und im Juli bei insan traditionellen Woidfest, wer is do gwesn? – Du, Günther!

Und wenn sie insa Feiaweajohr an Ende zuagneigt hod mitn Erntedonkfest, wea is do gwesn? – Du, Günther!

Und heit sand mia oi do, a da Kirch, aber leider weng an traurign Onloss. Weil mia fe oiwei Obschied nehma miasn vo dia. Oas is gwiss, du weascht ins scho in Zukunft bei da Feiawea Woadring a groß Loch aussa reißn, weil du oafoch nimma dabi bist.

Oa kloane Gschicht gibs, de wead i nia vagessn
Domois wia ma mit da drittn Gruppn beim Berga Baua a Weihnachtsfeier kob homb. Zua spatn Stund host du an Alex und mi deramoßn zomgschissn weil du ah unbedingt amoi zu an Kurs a de neien Feieaweaschui auffi woits. Guad, homb mia ins denkt, donn soids so sei. An Personenrettungslehrgong bist gonga und host des beinhort durchzochn. Mit Stoiz host du mia don de Kursbestätigung vorbei brocht.

Danke sogn mecht i a da Firma Holzbau Oberleitner, weil da Christa hot den Günther sofort gnumma wia i fe eam um a Orwet gfrog hu.

A gonz besondara Dank guit da Hausstatt Regina, de hot eam Pflegt wia an eigenen Sohn und begleit bis zua letzen Stund.

Im Nomen der Freiwilligen Feiawea Woadring mecht i oafoch Donksche sogn.

De Diandln homb gsunga „Amoi sech ma ins wieda“
Jo Günther, ganz gwiss sechn irgendwonn wieda. Fe ins bist etz zwor weit weg, owa die Motivation und Verlässlichkeit weand fe de Feieawea imma a Beispiel bleim

Dei naxts Lem soid a bessas sei

Zum letzten Moi
Gut Heil Kamarad
Pfiai Günther
KDT Mich

09.09.2019 10:25 - Seibl Mich

Liaba Günter,

Stoi da fi an schenstn Fleck auf Erden, a heile
Welt aus deina Phantasie. Tausendmoi schena no, weaschts fi di wean, hintan Horizont, so sche wia no nie.

A jeda mocht se sei eigenes Bild vom Himme, jeda malt se des mit seine Farben aus, wenn dei Uhr auf Erden aufheascht zun schlagn, führst du as letzte moi as schenste Gwand aus.

Hintan Horizont, wo du noa fi oiwei wohnst..... hintan Horizont weascht fi dei Lebn belohnt..... hintan Horizont findst dei ewige Ruah..... hintan Horizont wo du noa ois Engal wohnst.....( Gabalier Andreas)

Günter, i bin ma sicher es geht da guat, da wo du eatz bist.

03.09.2019 21:37 - Claudia

Ein Engel kam und sprach:
Du sollst nicht länger leiden;
lass einfach los und lass dich treiben.
Ich breite meine Flügel aus;
gemeinsam fliegen wir nach Haus.

Lieber Günther, wir hoffen sehr dass du "zu Hause" angekommen bist und es dir dort unbeschreiblich gut geht.
Alles Gute für deine letzte Reise!

03.09.2019 09:12 - Claudi & Simal

Wenn nichts mehr hilft und alles nur noch Schmerzen bringt. Dann wird es Zeit, das man den Weg zu Gott beginnt!
Alles Gute dafür wünscht dir die ganze Familie Aberger!

02.09.2019 13:45 - Kordula & Andi