Gertraud Diechtler

Mei Oma, so lång bist scho nimma då,
oiwei wieder gehst ma wahnsinnig å.
Oft tat i gern auf a Kaffedei zu dir kema,
und a tiam tat i di einfach gern in meine Arme nehma.

Bei de gånzn Geburtstagsfeiern fehlst du sehr,
då håst a oiwei fest mitgsunga, gfeiert und vui mehr.
An Wein oder a Schnapsei håst oiwei glei vom Keller koit,
weil fe ins håt di jå går nix kroit.

Eatz is scho wieder de Zeit zum heign ob’n a da Rechensau,
då wårst du a oiwei a gefragte Frau.
As Kopftuach aufgsetzt und dahi is gånga,
und danåch oiwei a bissl sitzn und a guats Jeisei daglånga.

Oft denk i dru wias dia eatz ebba geht oda obst es håst a tiam håscht,
wås tuast denn an gånzn Tåg, wahrscheinlich legst da oft auf de Kåscht.
Vielleicht tuast Stickn oder an Haufn „Dåstla“ måchn,
vielleicht scho fe Weihnachten? Und dia kriang dann de Kinder mit åndere Såchn?

Håst då oben troffen a dein Månn und dein Bua?
Und wås tuat da åndare Opa, de Oma und meine 2 åndern Onki? Schaugns ins oft zua?
Und wia kun ma si des vistoin in da „ewign Ruah“?
Tats do vui Blödsinn måchn oder geht’s do eher strenger zua?
Seits es eatz Engei – kriag ma då a Einschulung oda sowas in da Årt?
Bualein, des wår fe enk sicher recht hårt .

Wia’s a immer sei,
i glab, du bist bei ins oiwei dabei.
Schaust åcha und tuast ins bschützn iwaroi,
gspiescht hob i des scho des oa- oda ånare moi.

A mia tand oft an di denken und hoffnd dassd du des a kust gspian;
mia gfreind ins auf a Wiedersehen, war supa wennst ins a Platzei kunnst reserviern.

Oma, mia vermissnd di!

22.08.2014 13:26 - Claudia + alle deine "Diechtler\'s"

Hannes und Chrisi

11.08.2014 17:45 - Hannes und Chrisi

Die Zeit heilt Wunden doch vergessen kann ich nicht,
die Zeit heilt Wunden doch ich denke oft an dich.
Ganz egal wo du auch bist,
du weisst so gut wie ich,
irgendwann sehn wir uns wieder,
in meinen Träumen in unsren Liedern...

14.06.2012 08:48 - Claudia